Como cada verán, como paso previo ao comezo da tempada, os xogadores do Pontevedra CF pasan polas mans dos médicos para someterse ao obrigatorio recoñecemento. Así o farán durante o próximos tres días no Hospital Quirónsalud Miguel Domínguez.
O plantel pasará as probas establecidas polo doutor do club, José Manuel Barragáns.
Os primeiros en pasar polo recoñecemento médico foron os xogadores Álex Fernández, Adrián Mouriño, David Goldar, Eduardo Sousa, Jon Etxániz, Marcos Álvarez e Miguel Ángel Muñoz.
Quirónsalud Miguel Domínguez, lembran desde o Pontevedra CF, será o hospital de referencia para o plantel do primeiro equipo na tempada 2017-2018.
Ademais, o hospital facilitará a realización de probas diagnósticas e consultas médicas para a rápida recuperación dos xogadores ao longo da tempada.