Bo resultado de Pablo Dapena na Copa de Europa de tríatlon disputada este domingo en Riga (Letonia).
O deportista pontevedrés foi sexto na liña de meta cun tempo de 54:14, nunha proba disputada na distancia de sprint (750 metros de natación, 20 quilómetros de ciclismo e 5 quilómetros de carreira).
Malia a sexta praza, Dapena non rematou contento pola súa actuación ao poder habido pelexar polo triunfo de non ser por "facer a peor transición da miña vida" antes do sector final a pé, segundo el mesmo recoñeceu tras a proba nas redes sociais, na que a súa bicicleta caeu mentres calzaba as zapatillas facéndoo perder un valioso tempo.
6o en Copa de Europa de Riga!Oportunidad perdida de hacer un buen papel,pero tocó hacer la peor transición de mi vida pic.twitter.com/VUKMhF8UZw
— Pablo Dapena Gonzale (@pablitopiny) August 9, 2015
O gañador en Riga foi o ruso Alexander Bryukhankov cun tempo de 53:43, seguido do ucraíno Oleksiy Syutkin (53:50) e do belga Simon de Cuyper (53:52).