Semanas despois do desafortunado final do play-off de ascenso, o Marín Futsal dá os primeiros pasos na confección do seu plantel para o próximo curso en Segunda División.
Faio con dúas novas incorporacións, a gardameta Ana Pinto e a lerezana Andrea Alvite; e con catro renovacións de xogadoras do pasado curso como son a porteira Maialen Amoedo, Pili, Lucía Souto e Bibi.
A primeira fichaxe en facerse oficial foi o dunha gran coñecida para o club marinense como é Ana Pinto, que defendeu a elástica do equipo durante as dúas últimas tempadas do Marín en Primeira División e que, tras abandonar a disciplina de Raúl Jiménez no pasado verán, continuou como parte do corpo técnico de adestradores da base.
Como dato curioso cabe destacar que Ana participou no primeiro partido oficial do equipo no pasado curso como xogadora de campo. Foi nun encontro de Copa Galicia fronte ao Exlabesa Leis no que o técnico Raúl Jiménez estaba aínda á espera da incorporación de varias fichaxes.
A segunda fichaxe para a 26/27 é Andrea Alvite, xogadora que chega procedente do Grupo Forma T Villalba e que se enfrontou ao cadro da Raña no pasado curso. Formada nas categorías inferiores do Leis, Andrea completou a súa formación da man dun Poio Pescamar co que chegou a debutar en Primeira División.
🩵𝔽𝕀ℂℍ𝔸𝕁𝔼🤍
— Marín Futsal (
𝘼𝙣𝙙𝙧𝙚𝙖 𝘼𝙡𝙫𝙞𝙩𝙚
Fainos moita ilusión anunciar a incorporación dunha xogadora nova, pero cunha experiencia que demostra a súa madurez sobre a pista. A súa calidade, compromiso e ganas de seguir evolucionando encaixan á perfección
Benvida 🩵🤍 pic.twitter.com/omkur7MT5W
Tamén pasou por clubs como o Bembrive Vigo, o Viaxes Amarelle, o Valdetires de Ferrol e o seu último equipo, o Club Villalba.
No apartado das renovacións, o Marín Futsal fixo oficial a continuidade dunha das súas novas promesas como é a gardameta Maialen Amoedo. Nada no ano 2010, a porteira xa se atopa en idade xuvenil. Con todo, xa durante a pasada tempada participou durante practicamente todo o ano como parte do primeiro equipo a pesar de ser cadete.
María Pilar Viñas Caldas 'Pili' tamén renova o seu compromiso co club para afrontar a súa segunda tempada consecutiva co equipo sénior. Aos seus 18 anos, a viguesa xa asinou unha notable campaña o pasado curso ao disputar 34 encontros, 10 como titular, e anotar 7 goles.
Outra das renovadas é a alera zurda Lucía Souto, que chegou ao equipo en febreiro deste ano para disputar 15 partidos sumando os 11 de liga e os 4 de play-off de ascenso.
A última peza cuxa continuidade xa foi anunciada é Bibiana Paleo Soto 'Bibi'. Tras disputar 25 partidos oficiais e anotar 12 goles no seu primeiro curso en Marín, a xogadora achegará experiencia e seguridade nas posicións de ala e peche nas que xa demostrou ser unha peza fundamental do equipo.
Engade Pontevedra Viva como fonte preferida de Google de balde
Mantente informado coas últimas noticias de actualidade.