Moitos foron os cidadáns aos que este venres lles sorprendeu un amplo despregamento de emerxencias na céntrica Rúa Lepanto de Pontevedra.
Non era, como podía parecer, un incendio ou un suceso de extrema gravidade, pero si unha intervención moi necesaria para evitar problemas maiores.
Os bombeiros de Pontevedra acudiron á zona para retirar un niño de avispas velutinas que se formara na fachada dun edificio.
Dous efectivos, protexidos cun equipo de protección para evitar as picaduras, subíronse á escaleira do camión para chegar até o niño.
Ao chegar, como marcan os protocolos, asperxeron o niño co insecticida axeitado para acabar cos seus hóspedes e poder sacalo con seguridade.
Neste despregamento, que se realizou a media mañá, participaron tamén axentes da Policía Local de Pontevedra.
A Rúa Lepanto estivo cortada por motivos de seguridade durante estes traballos.
As autoridades recomendan aos cidadáns que, ante calquera evidencia da presenza de velutinas en zonas poboadas, alerten canto antes para a súa retirada.
Engade Pontevedra Viva como fonte preferida de Google de balde
Mantente informado coas últimas noticias de actualidade.