A planificación do Poio Pescamar para a nova tempada 26-27 comezou.
Máis aló da continuidade do seu adestrador Luís López-Tulla, anunciada antes de concluír a competición, o club conserveiro puxo a primeira pedra do novo proxecto asegurando a continuidade da súa capitá.
Ale de Paz renovou por unha tempada co equipo vermello.
Será a súa cuarta campaña consecutiva na Seca e a oitava en total (a súa primeira etapa foi entre os anos 2015 e 2019).
A internacional, dobre campioa de Europa e bronce mundialista coa Selección Española, forma parte xa da historia do Poio Pescamar sendo a xogadora que máis veces vestiu a súa camiseta (238).
Ten a tiro ademais converterse tamén na súa máxima goleadora (acumula 95 tantos).
De feito na tempada que se acaba de pechar Ale de Paz finalizou como pichichi do equipo con 22 goles, 18 deles en liga, ao que sumou 8 asistencias.
Ale foi parte tamén de tres do catro título de Copa Galicia logrados polo club.