Luís López-Tulla seguirá, polo menos, dúas tempadas máis adestrando o Poio Pescamar.
Así o anunciou este luns a entidade conserveira tras alcanzar un acordo de renovación co técnico madrileño, a poucas datas de afrontar un ilusionante play-off polo título da máxima categoría.
López-Tulla está a vivir a súa cuarta campaña na Seca, e é xa de feito o adestrador con máis partidos dirixidos na historia do Poio Pescamar, tras superar o pasado mes de xaneiro os 130 duelo dirixidos por Marcio Santos.
Aos seus mandos, o equipo vermello logrou estes anos disputar as súas primeiras eliminatorias polo título, clasificándose para o play-off en tres desas catro tempadas. Ademais levantou unha Copa Galicia.
"Os datos falan por si sós. Con Luís López-Tulla o club estabilizouse entre os mellores de España", descata o Poio Pescamar sobre a continuidade do preparador madrileño.
"Desexamos toda a sorte a Luís e esperamos que pronto poidamos levantar o noso primeiro título nacional para seguir facendo historia xuntos", afirma o club.
Até a súa chegada no verán do 2022, nunca un adestrador mantívose no banco vermello máis de dous cursos seguidos en Primeira División.
Se todo vai ben Luís López-Tulla chegará con esta renovación ás seis tempadas consecutivas.
Engade Pontevedra Viva como fonte preferida de Google de balde
Mantente informado coas últimas noticias de actualidade.