Segunda xornada de liga en Terceira RFEF e segundo tropezo dun Arosa ao que lle está custando coller o ritmo de comeptición.
O conxunto arlequinado non pasou este domingo do empate sen goles na Lomba fronte ao RC Celta C Gran Peña, a pesar de xogar durante máis dunha hora en superioridade numérica.
Os de Luisito foron os que tomaron a iniciativa desde o inicio, e aínda que con algún achegamento, non lograban perforar a portería rival. Todo cambiou aos 25 minutos coa expulsión do defensor celeste Álvaro por vermello directo.
A partir dese momento o dominio arousán acrecentouse, empezando un asedio á meta contraria.
Con todo, os minutos foron pasando sen acerto, cunha Gran Peña replegado sobre a porta do seu gardameta Alejandro Vila dando por bo un empate que acabarían conseguindo para desesperación local.
Con este resultado o Arosa, cun punto en dúas xornadas, queda estancado no posto 13 da táboa.