A falta de novos movementos na parcela deportiva, a actualidade do equipo da Boa Vila concéntrase na súa masa social con dúas novidades principais.
E é que a campaña de socios do Pontevedra Club de Fútbol, "Onde o Lérez fai historia", suma case 2.000 abonados nos seus primeiros dez días desde que se abriu o proceso de renovacións e novas altas nas oficinas do club o pasado 16 de xuño.
En concreto, a entidade granate comunicou este xoves a través das súas redes sociais que xa hai un total de 1.716 socios para a tempada 26/27 entre os que se atopan 1.580 renovacións e 136 novas altas.
A barreira dos 2.000 abonados podería superarse nas próximas horas xa que o club tamén anunciou que, desde este xoves, xa se atopan dispoñibles as renovacións e as novas altas online.
O proceso realízase a través da nova plataforma de venda dixital compralaentrada.com, pero será necesario acudir ás oficinas ou aos despachos de billetes nos días de partido para recoller o carné físico.
Xa dispoñibles as renovación e novas altas online!
— Pontevedra CF 🦴 (
🔗 https://t.co/tU79pQiujR
Accede á plataforma co teu DNI e ou número de abonado dá tempada 25/26 e renova ou teu abono online#OndeOLerezFaiHistoria ♥️ pic.twitter.com/5Y2uCug9ctPontevedraCFSAD) June 25, 2026
Doutra banda, esta apertura de venda dixital chega nun momento clave da campaña de socios, pois o 30 de xuño finaliza o período bonificado que inclúe os partidos de Copa do Rei e dun posible play-off a todas as renovacións.
Desta maneira, os socios poderán tramitar a súa renovación nos próximos días sen a necesidade de acudir ás oficinas situadas no Municipal de Pasarón.
Outro dos factores a ter en conta é que os peñistas non poderán tramitar a súa renovación a través da plataforma online neste primeiro ano tal e como informou o club nas súas redes sociais.