A cidade do Lérez implícase co Pontevedra Club de Fútbol no arranque da campaña de abonados da tempada 26/27.
O pasado luns 15 de xuño, a entidade granate presentou ante a súa afección os prezos da campaña de socios nun acto aberto ao público no Ponte do Burgo.
Ese mesmo día, o club compartiu nas súas redes sociais toda a información xunto a un vídeo promocional protagonizado por algunhas das voces e os rostros máis representativos do granatismo. Doutra banda, presentouse a páxina web www.compralaentrada.com. como nova plataforma de venda virtual.
Todo iso, xunto á implantación de novas categorías e o incentivo de renovar antes do 30 de xuño para ter a Copa do Rei e un hipotético play-off incluídos no carné de socio, propiciou un bo ritmo de venda no tres primeiros días de campaña.
En concreto, o club compartiu nas súas redes sociais este xoves a cifra de 527 abonos vendidos tras as primeiras 72 horas de campaña.
Superados vos 5️⃣0️⃣0️⃣ abonados nos primeiros 3 días dá campaña de abonados 😍💪
— Pontevedra CF 🦴 (
Con TODOS, por TODO e a por TODAS ♥️#OndeOLérezFaiHistoria pic.twitter.com/sAll8WQ80SPontevedraCFSAD) June 18, 2026
O gran rendemento do plantel na pasada tempada xunto á continuidade de Rubén Domínguez no banco de Pasarón son outros dos factores que maior optimismo espertan entre a afección lerezana de cara a esta próxima campaña en Primeira Federación.
As próximas semanas serán clave para coñecer os primeiros movementos nas filas dun Pontevedra Club de Fútbol que, até o momento, conta con cinco xogadores con contrato en vigor. Eles son Marqueta, Ander Vidorreta, Expósito, Yelko Pino e Álex Comparada "Compa".