Por segundo ano consecutivo Pontevedra será sede dunha das grandes competicións nacionais de natación a nivel de clubs.
A Real Federación Española de Natación confirmou a designación de Sabadell e de Pontevedra como sedes oficiais das Copas de Clubs de División de Honra e 1ª División, respectivamente.
Trátase dunha competición que xa se organizou no Complexo Deportivo Rías do Sur de Ponte Muíños en decembro de 2025.
O Club Natación Galaico, ademais de organizador, foi o único equipo galego en competición logrando a permanencia nunha gran actuación colectiva.
Por aquel entón competiron na Boa Vila durante tres xornadas 386 nadadores de 24 clubs (12 masculinos e 12 femininos).
A Copa de España de Natación de 1ª División celebrarase concretamente do 18 ao 20 de decembro de 2026.
Será pois a guinda a un ano de grandes eventos acuáticos en Pontevedra, que arrincou co Campionato de España de Seleccións Autonómicas de Natación e que acollerá do 29 ao 31 de maio a cuarta proba puntuable da Copa do Mundo de Natación Artística.
Ademais xa se celebrou o Campionato de España Alevín e Infantil de Inverno de Natación Artística e o río Lérez será escenario en agosto dunha Travesía do Lérez enmarcada dentro da Copa de España de Natación en Augas Abertas.