Que mellor maneira de promocionar a práctica do atletismo que achegalo a pleno centro da cidade.
É o que pensou por segundo ano consecutivo a Sociedad Gimnástica coa iniciativa Saltar na Rúa, que finalizou este sábado despois de dúas xornadas de actividade.
Tanto o venres como este sábado nenos e nenas de diferentes idades puideron probar e coñecer os segredos de disciplinas como o salto con pértega, lonxitude e o triplo salto da man de monitores especializados.
A todo isto sumouse a última hora do sábado unha exhibición na que participaron algúns dos mellores especialistas autonómicos e nacionais.