Antía García recibiu este martes o recoñecemento e agarimo do Concello de Caldas de Reis tras a súa brillante actuación no Campionato de Europa de Salvamento.
A deportista caldense sumou no Europeo de Castelló tres medallas, unha delas de ouro e con récord de España incluído, na proba de 100 metros remolque maniquí.
Antía foi recibida polo alcalde do municipio, Juan Manuel Rey, e os tenentes de alcalde, Manuel González e Jacobo Pérez.
Os dirixentes locais sinalaron como un exemplo a unha nadadora que é tamén campioa mundial e que presta o seu nome á piscina municipal.