O Arosa seguirá contando con Marcos Remeseiro no seu proxecto en Segunda Federación despois dunha primeira tempada que o propio xogador define como "soñada".
Remeseiro destacou a importancia do logro conseguido o pasado curso, co equipo proclamándose campión "tantísimos anos despois e devolvendo o club onde ten que estar".
De cara á nova tempada, o futbolista anticipa que será unha liga "complicadísima, cun grupo de moitísimo nivel".
Afronta o reto "con moita ilusión e moitas ganas de gozar e de representar o club nunha categoría nacional", segundo manifestou.
Ademais, o centrocampista destaca o papel da afección, coa que espera manter a conexión vivida o pasado curso xa que considera que "esta tempada a necesitaremos nas boas, pero sobre todo nas malas", apunta.
Finalmente, Remeseiro asegura estar "moi contento de vir a Vilagarcía e de como me acolleron desde o principio. Podería dicir que en só un ano sinto como en casa".