A natación galega ten unha cita ineludible esta semana en Pontevedra, coa disputa do Campionato Galego Absoluto, Junior e Infantil de Verán.
Trátase de "nuestro campeonato estrella de la segunda parte de la temporada", recoñeceu na súa presentación o presidente da Federación Galega de Natación, Carlos Touriño, acompañado da presidenta do Natación Galaico, Amparo Porta, e a concelleira de Deportes de Pontevedra, Anxos Riveiro.
No Complexo Deportivo Rías do Sur daranse cita 421 nadadores e nadadoras de 27 clubs que chegan "en plena forma" tras os recentes campionatos nacionais.
A entidade con máis deportistas en liza será o club local, o Galaico, con 34 nadadores entre os que destaca a recente subcampioa de Europa en augas abertas, Carla Goyanes.
Serán en total catro xornadas de actividade repartidas todas elas en dobre sesión, desde as 9:30 da mañá e as 17;30 horas da tarde que converterán a piscina olímpica pontevedresa no epicentro da natación autonómica.