O partido amigable que ía disputar o Pontevedra CF fronte á UD Ourense este sábado foi suspendido.
Segundo informou o conxunto granate, hai un posible caso positivo nun xogador do equipo contrario polo que optaron por cancelar a cita amigable.
Pola súa banda, o club ourensán explicou en redes sociais que "por mor da situación epidemiolóxica o segundo partido de preparación queda anulado. Pregamos disculpas".
Pretempada | Por mor da situación epidemiolóxica o segundo partido de preparación queda anulado. Pregamos disculpas.
— UD Ourense (@UDOurense2014) October 3, 2020
UD Ourense @PontevedraCFSAD #OurenseOnTour2020 pic.twitter.com/lUAMQoJPVm
O partido ía disputarse este sábado ás 12:00 horas no campo da Regueiriña, Barbanza, sendo a cuarta cita de pretemporada para o Pontevedra.
Agora, a intención dos granates é xogar dous amigables contra equipos galegos de Segunda B na semana previa ao comezo da competición onde debutarán contra o Ferrol na Malata.
O mércores día 7 recibirán ao Deportivo en Pasarón a porta pechada e, a falta de confirmación oficial, visitarán ao Compostela no Estadio Verónica Boquete de San Lázaro.