O taekwondo pontevedrés puxo a primeira pedra na pelexa por estar nos Xogos Olímpicos de Los Ángeles.
O Campionato de España Absoluto de Combate celebrado durante a fin de semana en Torrevieja supuña o primeiro evento puntuable para o ranking nacional que decidirá as prazas para os próximos Xogos Olímpicos de 2028, previo paso por competicións internacionais como o Europeo que este 2026 se celebrará en Alemaña.
Nese primeiro termómetro os deportistas da comarca demostraron todo o seu potencial.
Especialmente destacada foi a colección de medallas achegadas polos taekwondistas do Mat's de Marín.
Iván García cumpriu os prognósticos en +87 quilos conseguindo a medalla de ouro, do mesmo xeito que o seu compañeiro Sergio Troitiño en -87 quilos. Pola súa banda Arlet Ortiz (-53 quilos) e David Robleto (-87) levaron un bronce da competición nacional.
Competaron a colección de medallas pontevedresas, con senllos bronces, Sara Cortegoso (-46, Mace Sport) e Ekaterina Rebón (-62, Número Phi).
Os seus resultados colaboraron no gran rendemento por equipos da Selección Galega.
En concreto Galicia pechou o Campionato de España co primeiro posto na clasificación por equipos feminina e na segunda tanto masculina como xeral.