Os equipos pontevedreses xa coñecen o camiño que lles espera na Copa Galicia de balonmán, competición que servirá como última e esixente proba antes do inicio da competición ligueira.
A súa condición de equipos da División de Honra Prata, xunto a Cangas (Asobal) e Academia Octavio (Primeira Nacional), fai que Teucro e Cisne debuten nesta competición directamente na terceira xornada, que se debe xogar antes do 29 de agosto.
Os equipos de Primeira Nacional, entre eles o filial teucrista ou o Atlético Bueu, enfrontaranse en dúas eliminatorias antes de que entren en competición os equipos importantes.
Tras esa rolda, xa con Cangas, Teucro, Cisne e Octavio, disputarase unha fase final en Crecente, os días 2 e 3 de setembro, con semifinais e final.
O partido polo título, fixado para o sábado 3 ás 19:00 horas, será retransmitido en directo pola Televisión de Galicia.
Consulta aquí o calendario da Copa Galicia 2016.