A Sociedad Deportiva Teucro inicia unha nova etapa coa incorporación dun patrocinador principal que dará nome ao seu primeiro equipo desde este 1 de xullo de 2026.
O conxunto pontevedrés competirá a partir de agora baixo o nome de Teucro Lintel.
Esta denominación é froito dun acordo "que nos permitirá seguir impulsando o crecemento deportivo, social e formativo do club".
Desde o equipo lerezano destacan que a chegada deste socio estratéxico supón un impulso importante para a entidade.
Entenden que o patrocinio permitirá reforzar o proxecto do primeiro equipo e o traballo da base.
O Teucro quixo agradecer a confianza depositada polo seu novo patrocinador, subliñando a importancia deste tipo de alianzas para soster e facer evolucionar o deporte.