O Academy Rivillos de Madrid, en categoría xuvenil; O Parrulo Ferrol, en cadetes; 5 Coruña, en infantís; CD La Peña Marín, en alevíns; Toledo FS, en benxamíns; e Stellae Leis Pontevedra, en prebenxamíns proclamáronse campións da décima edición do Torneo Internacional Antonio Suárez de fútbol base, disputado ao longo desta fin de semana en Marín.
A competición reuniu a 22 clubs, con máis de 70 equipos e máis dun milleiro de xogadores e xogadoras, que protagonizaron 32 horas de partidos nun evento xa consolidado no calendario do fútbol sala formativo.
En xuvenís, o Academy Rivillos levou o título tras imporse nunha final moi igualada o Redondela FS (4-3). En semifinais, os madrileños superaran o Trepalio León polo mesmo marcador, mentres que o Redondela accedeu á final tras vencer 2-0 o CD Composala.
En cadetes, O Parrulo Ferrol impúxose na final o Academy Rivillos por 5-3, despois golear en semifinais o Lago Sport (9-1). Os madrileños, pola súa banda, eliminaron o Trepalio León por 3-1.
A categoría infantil estivo dominada polo 5 Coruña, que asinou unha contundente vitoria na final ante E. Limones Madrid (9-0). Os herculinos derrotaran previamente a O Parrulo Ferrol por 7-0 e o conxunto madrileño, o Marín Futsal por 3-1.
En alevíns, o título quedou en casa co triunfo do CD La Peña Marín, que venceu na final o Marín Futsal por 7-1. En semifinais, o Marín Futsal superou o Carballiño por 5-3 e o CD La Peña Marín a O Parrulo Ferrol por 7-1.
En benxamíns, o Toledo FS alzouse co campionato tras derrotar na final a O Parrulo Ferrol por 5-1. Os toledanos venceran en semifinais o Lago Sport (4-0) e O Parrulo impúxose o Lugo Sala na quenda de penaltis, despois dun empate a tres.
Por último, en benxamíns, o Stellae Leis Pontevedra adxudicouse o título tras superar por 8-6 o Vitoria Guimaraes.
O torneo pechouse coa cerimonia de entrega de trofeos e medallas no pavillón da Raña, presidida pola alcaldesa de Marín, María Ramallo, acompañada polos concelleiros de Deportes, Antonio Traba e Antonio Caiña, o tenente de alcalde Manuel Santos e o presidente do Marín Futsal, Ubaldo Lago.