Antes de despedir oficialmente unha tempada histórica, a do seu ascenso á División de Honra Prata, o Club Cisne Balonmano recibiu unha última homenaxe no Hotel Galicia Palace de Pontevedra.
O acto, no que estivo presente a maior parte do equipo e xunta directiva, serviu ademais para premiar os seguidores máis fieis da entidade.
Neste aspecto o Cisne entregou un pequeno recordo a cinco afeccionados: Beatriz Chacón, Marina Rodríguez, Pachi Torres, Mónica Ramos e Dolores Rodríguez.
Con este acto péchase oficialmente un ano no que tamén se viviu con intensidade o 50 aniversario do club.