O deporte afeccionado como elemento de promoción. É a principal premisa da primeira Carreira Popular Ruta do Viño Rías Baixas, que se celebrará en Meaño o vindeiro domingo 24 de xullo.
Con saída ás 10:00 horas desde o Campo da Feira, os deportistas participantes afrontarán 8 quilómetros de percorrido pasando por algunhas das adegas vinícolas da zona.
Pola súa banda para as categorías de menores, desde os 6 aos 18 anos e fixadas para as 11:00 horas, habilitarase un circuíto de 900 metros que discorrerá polo Campo da Feira, as aldeas de Covas e Canle e a rúa Desiderio Dóvalo. Tamén haberá unha proba máis reducida para os máis pequenos, a categoría chupete.
A organización estableceu un límite de participantes, con 300 inscricións a un prezo de 3 euros na carreira absoluta e 150 prazas nas de menores, que serán de balde.
As inscricións poden formalizarse ata o 21 de xullo na web www.carrerarutavinoriasbaixas.com.