deportes

Uvas con bo humor no Pontevedra CF para celebrar a chegada do 2026

Pontevedra
01 de xaneiro 2026
Actualizado: 02 de xaneiro
Anxo Lourido

Miki Bosch, Alain Ribeiro e Miguel Cuesta convertéronse nos protagonistas con cotillón dun divertido vídeo do Pontevedra Club de Fútbol para felicitar á afección no ano novo

Os tres xogadores do Pontevedra degustando as uvas de fin de ano
Os tres xogadores do Pontevedra degustando as uvas de fin de ano / Pontevedra Club de Fútbol

O Pontevedra Club de Fútbol comezou o 2026 con bo ritmo de inxesta de uvas e moito humor.

Ás doce en punto da noite, a entidade publicaba nas súas redes sociais un orixinal vídeo protagonizado por tres xogadores do plantel.

O defensa Miki Bosch, o centrocampista Alain Ribeiro e o extremo Miguel Cuesta convertéronse nas estrelas da celebración para a afección granate.

Os futbolistas, equipados con serpentinas, colares e todo o cotillón clásico, tomaron as uvas e desexaron un ano cargado de éxitos e emocións á afección granate.

A escena, marcada pola espontaneidade e algunha que outra confesión sobre os cuartos das badaladas, non tardou en desatar bromas entre os seguidores, que especulaban en redes se o vídeo se emitía "en directo" desde o estadio municipal de Pasarón.

Coa complicidade dos seus protagonistas, a mensaxe chegou clara: o Pontevedra CF desexa as mellores festas á afección e lograr éxitos neste 2026 que comeza.

Arquivado en
Máis novidades