A punto estivo o Ribadumia de sorprender ao Deportivo B en Abegondo. Os aurinegros caeron derrotados nun partido no que non saíron moi contentos da actuación arbitral.
Os deportivistas adiantáronse no primeiro tempo con dous goles na recta final, conseguidos por Óscar García e Expósito. que parecían inclinar claramente a balanza do lado local.
Ao pouco de comezar o segundo tempo Changui reducía distancias, pero o Deportivo B respondía case de inmediato, no minuto seguinte, ao facer Ferney o 3-1, devolvendo a tranquilidade á bancada local.
Pero o Ribadumia non se entregou ata que a falta de cinco minutos Nando volvía acender a chama da esperanza para os de Sierra, que tiveron ocasións para lograr polo menos o empate.