Foron case 20 anos de traxectoria profesional, cheos de éxitos e historias en todas as grandes pistas do tenis mundial, desde os catro Grand Slam ata partidos en Copa Federación defendendo ao equipo español.
Lourdes Domínguez anunciou este venres a súa retirada do tenis profesional. Fíxoo nunha rolda de prensa celebrada no Club de Tenis de Pontevedra, rodeada de amigos e familiares.
A comparecencia da deportista pontevedresa finalizou coa proxección dun vídeo con algúns dos seus mellores momentos como tenista, realizado especialmente para a ocasión pola súa irmá a modo de homenaxe.