O VIII Rallye de Pontevedra arranca con espectáculo en A Escusa

A oitava edición do Rallye de Pontevedra xa está en marcha. Os motores ruxiron e o público gozou co tramo de espectáculo que se desenvolveu no Monte de A Escusa nun novedoso 'shakedown' que serviu como proba de quecemento para os 44 vehículos que participaron.

Esta modalidade non conta para a clasificación final, polo que será a xornada deste sábado a que decidirá os postos nesta cuarta proba puntuable do Campionato Xunta de Galicia de rallyes.

E a pesar de que non había nada en xogo en relación ao puramente competitivo, os pilotos brindaron ao público asistente un gran espectáculo digno dunha proba deste calibre.

Comezou a xornada coas verificacións técnicas e administrativas na Casa Cultura Adina e, ás 11:00, chegou a quenda dos vehículos de dúas rodas motrices. Tras case dúas horas de espectáculo chegou o momento dos vehículos de catro rodas motrices.

Todos eles percorreron un tramo de 4,28 quilómetros polo Monte de A Escusa, en Poio. A pesar de que non ten ningún valor clasificatorio, cabe destacar que a parella formada por Iván Ares e Borja Rozada foi a máis rápida da proba co seu Toyota Yaris Rallly2 (2:19:5)

Esta primeira mañá de competición deixou bo sabor de boca a todos os asistentes, pero o verdadeiramente emocionante será este sábado.

E é que os 140 pilotos que se baterán nesta oitava edición da competición terán que afrontar tres tramos habilitados con dúas pasadas cronometradas a cada un deles.

Comezarán en Cerdedo-Cotobade cun rápido, técnico e emocionante tramo de montaña para continuar á parte de Moraña-Barro, punto crave da competición con máis de 18 quilómetros cronometrados.

Finalizará a cita co percorrido de Sanxenxo-Meaño.