A RFEF deixa ao Pontevedra fóra do play-off tras darlle a razón ao Madrid Castilla

Toda a euforia provocada polo gol de Compa no minuto 100 que supuxo o empate ante o Real Avilés (2-2) transformouse en incerteza co paso dos minutos.

Este resultado deixaba ao Pontevedra con 58 puntos, os mesmos que Real Madrid Castela e Barakaldo, e cunha soa praza de play-off dispoñible. O criterio do desempate entre tres equipos consiste nunha liguiña na que se teñen en conta os resultados entre eles. Deste xeito, Pontevedra e Castilla quedaban empatados con sete puntos na cabeza.

Neste caso, e en base aos criterios establecidos nas Bases de Competición, o quinto posto debía ser para os de Rubén Domínguez xa que son o equipo con mellor golaverage do tres implicados neste triplo empate.

En concreto, as bases de competición explican que o criterio para resolver o empate é: "maior diferenza de goles a favor e en contra entre os partidos disputados entre eles". Con esta norma na man serían os granates os mellores clasificados ao ter un +2, mellor golaverage que o +1 do Castela.

Con todo, tal e como afirma o Diario AS, o Xuíz agarrouse ao articulo 29 do Regulamento de Competicións da RFEF para arrebatar aos galegos o dereito a disputar a fase de ascenso en favor dun filial que, de feito, xa xerou polémica en Pasarón nun encontro que o Pontevedra non gañou debido a un polémico gol anulado no desconto.

🚨 ¡𝗢𝗙𝗜𝗖𝗜𝗔𝗟!

🔥 ¡Estos son los 𝗣𝗟𝗔𝗬𝗢𝗙𝗙𝗦 𝗗𝗘 𝗔𝗦𝗖𝗘𝗡𝗦𝗢 de la temporada 2025/26!#PrimeraFederación | #VersusELearning pic.twitter.com/DygZwTUoLb

— Primera Federación Versus e-Learning (@Primera_RFEF) May 23, 2026

En concreto, este regulamento explica o seguinte en caso de empate: "As normas que establece o parágrafo anterior aplicaranse pola súa orde e con carácter excluínte, de tal sorte que, si unha delas resolvese o empate dalgún dos clubs implicados, este quedará excluído, aplicándose aos demais as que correspondan, segundo o seu número sexa dous ou máis". Noutras palabras, teríase en conta o golaverage particular entre Pontevedra e Madrid Castela ao excluír ao Barakaldo da ecuación.

Neste suposto é, por tanto, o filial madrileño quen queda mellor clasificado xa que gañaron o partido de ida aos de Rubén Domínguez (1-0) e empataron o de volta en Pasarón (0-0).

Esta re-interpretación das normativas senta un precedente sen igual na competición. Os de Rubén Domínguez, que foron sen dúbida un dos equipos máis prexudicados ao longo da competición, quedan sen un merecido play-off de ascenso.

De feito, o propio club anunciou nas súas redes sociais que presentará ante a RFEF un escrito para "mostrar a súa desconformidade coa última clasificación publicada pola conta oficial de Primeira Federación".

COMUNICADO OFICIAL ✍️

El Pontevedra CF informa que presentará un escrito ante la RFEF esta misma noche para mostrar su disconformidad con la última clasificación publicada por la cuenta oficial de Primera Federación. pic.twitter.com/0MFSllWuTl

— Pontevedra CF 🦴 (@PontevedraCFSAD) May 23, 2026