Un total de 32 xornadas de traballo en beneficio da comunidade, dez meses sen carné de conducir e o pago de 5.407 euros como responsabilidade civil polos danos ocasionados ao mobiliario do Concello.
Esa é a condena imposta polo Xulgado de Instrución número 3 de Pontevedra a unha condutora como autora dun delito contra a seguridade viaria.
Do contido desta sentenza deu conta a concelleira de Seguridade Cidadá, Eva Vilaverde, que considera o fallo exemplarizante.
Segundo informou a edil, os feitos que supuxeron tal condena tiveron lugar ás 5.20 horas da madrugada do pasado 20 de decembro do 2024.
A condutora saíuse da calzada e encaixou o seu coche nun farol e unha marquesiña de autobús na avenida de Buenos Aires.
Esta muller deu positivo na proba de alcoholemia que lle practicou a Policía Local.