Nas Palmeiras comezou todo. E coma se da cuadratura do círculo se tratara, o Pontevedra volveu a ese emblemático escenario para celebrar o 75 aniversario da súa fundación.
Fíxoo cunha sesión vermú e un acto institucional no que este domingo participaron directivos do club, exjugadores de todas as épocas e afeccionados.
Este 16 de outubro cumpríanse xusto os 75 anos do chamado Pacto das Palmeiras, a fusión do Eiriña e o Alfonso que serviu para fundar o club granate en 1941.
O himno do Pontevedra soou de novo neste paseo como broche de ouro a un acto conmemorativo que estivo amenizado coa actuación da Banda de Música de Salcedo.
Ademais, Radio Pontevedra emitiu desde a cafetería Blanco y Negro un programa especial onde se repasaron os 75 anos de historia do club.
Nel, participou o xornalista de PontevedraViva Ramiro Espiño, a voz do Pontevedra CF durante 31 anos, nos cales narrou para esa casa máis dun milleiro de partidos.