8M | "Traballo, Igualdade e Salarios Dignos", reivindicación da CIG no Día da Muller

Por todos os dereitos aínda por conquistar pero, sobre todo, por unha Galicia con 'traballo, igualdade e salarios dignos' para todas as mulleres.

Era parte da lema da manifestación que este sábado 8 de marzo, Día Internacional da Muller, convocou a CIG polas rúas de Pontevedra.

Con esta protesta o sindicato nacionalista pretendía reivindicar unhas condicionais laborais equitativas para as mulleres, que seguen a sufrir unha importante brecha laboral.

Esta desigualdade tradúcese en case 4.700 euros brutos anuais menos para as mulleres en comparación cos homes, ou cunha diferenza do 33,6% nas pensións.

A central advirte que esta brecha, que chega a ser do 18,4% en Galicia, non se poderá reducir mentres non exista unha valoración xusta dos traballos tradicionalmente feminizados.

Outra das reivindicacións da CIG este 8 de marzo é incremenbtar o Salario Mínimo Interprofesional (SMI) até chegar aos 1320,04 euros.

Alcanzaríase así o 60% do salario medio do conxunto do estado tal e como recomenda a Carta Social Europea.

Ademais desta protesta, centrada nas condicións laborais das mulleres galegas, a CIG estaba chamada a participar na marcha prevista para a tarde deste sábado 8 de marzo en Pontevedra coordinada polo movemento feminista galego.