Este domingo 13 de setembro a Consellería de Sanidade informa de 37 novos casos activos de covid nesta Área Sanitaria de Pontevedra-O Salnés.
Mantéñense 12 pacientes covid ingresados en planta de hospitalización do Complexo Hospitalario Universitario de Pontevedra e 2 pacientes covid na unidade de Coidados Críticos do Hospital Montecelo.
Así mesmo, permanecen outros 456 casos COVID evolucionando en domicilio.
Desde o inicio do plan de continxencia do COVID-19 curáronse 1.095 pacientes (6 máis que no día de onte ) e faleceron por este virus na área sanitaria 18 pacientes.
En canto a realización de PCR’ s, nas últimas 24 horas realizáronse 466, que se engaden ás 32.620 xa efectuadas desde o inicio da pandemia na área sanitaria de Pontevedra-O Salnés.
A Dirección Xeral de Saúde Pública da Consellería de Sanidade informa que, na última actualización, o número de casos activos de coronavirus en Galicia é de 4.281 deles 1.304 son da área da Coruña, 814 da de Lugo, 473 da de Ourense, 470 da de Pontevedra, 366 da área de Vigo, 670 da de Santiago, e 184 da de Ferrol.
Do total de pacientes positivos, 26 están en UCI, 221 en unidades de hospitalización e 4.034 no domicilio. Polo de agora, en Galicia hai un total de 15.222 persoas curadas, rexistrándose 681 falecementos.