A procesión da Virxe das Dores percorreu este venres as rúas de Pontevedra.
A choiva, presente case toda a xornada, deu un respiro pola tarde e permitiu á Boa Vila vivir a súa primeira procesión de Semana Santa despois de dous anos de parón. (Descarga aquí o programa completo da Semana Santa de Pontevedra)
Foi esta a segunda ocasión na que a Confraría da Nosa Señora do Amor Fermoso procesiona esta imaxe na véspera do período Pascual.
Ás oito da tarde saíu da igrexa de San José de Campolongo para percorrer a praza da Constitución, a praza de Galicia, a rúa Andrés Muruáis, Peregrina ata a praza da Peregrina onde tivo lugar o sermón antes de regresar ao momento de saída.
Tamén este venres dentro dos actos previos ao comezo da Semana Santa, estaba previsto a presentación do libro Esperanza ou o amencer da liberdade no Liceo Casino e do vídeo sobre a Historia da A. C. R. Confraría do Espírito Santo en Santa María.
Engade Pontevedra Viva como fonte preferida de Google de balde
Mantente informado coas últimas noticias de actualidade.