A residencia de maiores Pontevedra situada en Vilaboa sumou nas últimas 24 horas 16 novos contaxios por covid-19. Segundo o último balance diario realizado pola Consellería de Sanidade este sábado, detectáronse 13 usuarios e 3 traballadores do centro con resultado positivo nas probas PCR.
Estes 16 novos positivos súmanse aos 40 que xa contabilizaba este centro residencial, de maneira que este sábado suma xa 56 casos activos de coronavirus. Trátase de 42 maiores e 14 traballadores.
O último balance diario da situación das residencias galegas reporta en toda a comunidade un total de 600 casos activos de covid-19, 400 usuarios e 200 traballadores.
No caso da área sanitaria de Pontevedra, esta residencia de Vilaboa é a que ten maior incidencia da covid-19. A maiores, hai nestes momentos 38 casos activos na residencia Domus VI de Ribadumia, 21 usuarios e 17 traballadores.
Ademais, hai dous casos na residencia Nosa Señora Valvanera de Cambados (1 traballador e un usuario), cinco na residencia Soremay de Pontevedra (dous usuarios e tres traballadores) e dous usuarios contaxiados na residencia Divina Pastora de Vilagarcía de Arousa.