O reitor da Universidade de Vigo, Manuel Reigosa, referiuse este mércores en Pontevedra aos traballos para a implantación no campus de Pontevedra do grao en Deseño e Creación no curso 2020/2021, despois de que a Xunta de Facultade de Belas Artes rexeitase a memoria da titulación.
Explicou que a Universidade optará polo "nomeamento dun decano comisario" e a creación dunha nova facultade "que terá inicialmente esta titulación como única oferta".
"Esperamos que en setembro finalicemos o procedemento", indicou Reigosa, que descarta construír un novo edificio e opta porque as clases se impartan en Ciencias Sociais ou Forestais, onde hai espazo.
O reitor subliñou que se trata dun grao "que encaixa como unha luva" dentro do Campus Crea e incidiu tamén en que a institución académica atópase "traballando intensamente" para someter o proxecto de especialización aos procesos de avaliación.