Un anaco de Alemaña en plena Praza do Teucro. Así é a Outubrofest que, na súa sexta edición, arrancou este xoves coa apertura da carpa instalada en pleno casco histórico.
O evento, organizado polo Pontevedra Rugby Club co obxectivo de lograr financiamento para as súas categorías inferiores, desenvolverase ata o próximo domingo 2 de novembro.
Á inauguración asistiron representantes dos diferentes grupos da corporación municipal.
A previsión da organización é despachar, durante os catro días de celebración, 7.500 litros de cervexa e 11.000 salchichas cuns prezos que se manteñen con respecto ás pasadas edicións.