O titular do xulgado de primeira instancia e instrución número 1 de Caldas de Reis acordou non autorizar a admisión a trámite do incidente de nulidade de actuacións instado polo procurador que representa o alcalde desta localidade, Juan Manuel Rey no caso por un suposto delito de malversación de caudais públicos.
Segundo conclúe "non se dan os presupostos legais para a admisión a trámite da solicitude novamente formulada".
Neste sentido, establece que sobre a vulneración do principio de presunción de inocencia e do dereito á tutela xudicial efectiva, na súa opinión, "non cabe en modo ningún discutir neste momento".
Por iso, a maxistrada destaca que "non denunciándose realmente a existencia de violacións concretas de preceptos legais que puidesen producir indefensión, se encontra xustificada a admisión a trámite do incidente promovido, debendo estimarse o recurso de reforma interposto pro o Ministerio Fiscal".