O director xeral de Inclusión Social, Arturo Parrado, visitou este sábado o centro de atención social continuada e o piso de apoio ao tratamento social e laboral do drogodependente que a entidade Rexurdir Provincial ten na rúa Cruceiro.
Alí destacou a calidade asistencial deste servizo que permite a reinserción dos colectivos en risco de exclusión social na cidade.
O centro de atención social atende ás primeiras necesidades dos usuarios como pode ser a comida, a hixiene e a lavandería. Ademais, tamén conta cun departamento de asesoramento xurídico e psicosocial que permanece aberto todo o ano.
Mentres, no piso de inserción sociolaboral permítese aos usuarios a volta á vida de forma autónoma e afastada da rúa e a adicción. Conta tamén con psicólogo e traballadores sociais.