Os vehículos xa percorren o novo vial que desdobra a avenida de Vigo. Esta mañá abriuse ao tráfico con carácter provisional para poder continuar cos traballos de reurbanización da avenida de Vigo, dado que implica o peche dun dos carrís da rúa que, dende este mércores 24, queda reducida a un só carril de tráfico de saída da cidade.
A apertura producíase con total normalidade e, segundo a información facilitada polo concello de Pontevedra, non se rexistrou ningunha incidencia para o tráfico en toda esta zona. Este traballo completouse coa apertura parcial do estacionamento gratuíto próximo ao Instituo Torrente Ballester onde está pendente a colocación dun valado para delimitar a parcela que está previsto que se instale durante estos días.
Ao mesmo tempo iniciáronse os traballos na avenida de Vigo e continúan a bo ritmo na senda peonil dos Gafos. A última parte da obra será o cruzamento das rúas Fernández Ladreda, coa avenida de Vigo e a avenida da Estación.
A previsión das obras é poder telas rematadas antes do inicio do vindeiro curso escolar.