Como se pode converter un en catador oficial do Panel da Denominación de Orixe Rías Baixas?
Sete persoas aspiran a conseguilo actualmente participando nun programa de adestramento e formación na sede do Consello Regulador.
En maio de 2025, o AGACAL subvencionou a posibilidade de ampliar o Panel de Cata das cinco Denominacións de Orixe vitivinícolas.
No caso do D.O. Rías Baixas ofertáronse un total de nove prazas, ás que se presentaron o mesmo número aspirantes que inicialmente tiñan que cumprir uns exixentes requisitos profesionais. Estes habilitábanlle para presentarse a unhas probas que só sete deles superaron.
Agora atópanse no proceso formativo, último paso para converterse en catadores oficiais do Panel da denominación.
Deben completar antes de nada dúas xornadas. A primeira tivo lugar o mércores 22 de xaneiro e a segunda será o próximo 4 de febreiro.
A partir desta primeira formación, os aspirantes estarán nun período de prácticas. Este consistirá na súa participación activa e semanal nas diferentes catas do actual panel, pero as súas puntuacións non se terán en conta, polo momento, na cualificación dos diferentes viños de Rías Baixas. Unhas puntuacións que se supervisarán e valorarán comprobando a súa evolución e formación.
Se todo vai de forma óptima, ao finalizar este ano de prácticas e despois de superar unhas probas pasarán a formar parte do Panel de Cata de maneira oficial.