Un incendio forestal declarado a última hora da tarde deste luns mobilizou un amplo despregamento de medios na parroquia pontevedresa de Lourizán e no Monte Pituco, en Marín.
Segundo a información facilitada pola Consellería de Medio Rural, o lume declarouse sobre as 20.37 horas e ás 23.30 horas levaba queimadas dez hectáreas.
Segundo a información facilitada polo Concello de Marín, detectáronse tres focos e os dous primieros foron controlándose nas primeiras horas, pero o terceiro complicouse polo vento que sopraba a última hora da tarde no Monte Pituco.
Medio Rural quixo aproveitar as últimas horas de luz para sufocar chámaass, de modo que apostou por un amplo despregamento de medios terrestres e aéreos.
Así, segundo Medio Rural, trasladáronse até esta zona de monte de Lourizán dous avións de extinción e cinco helicópteros. Desde o Concello de Marín indican que foron tres helicpóteros.
O dispositivo reforzouse por terra con cinco axentes forestais, nove brigadas, tres motobombas e un técnico.
Tambén se mobilizou á Policía Local e a Policía Nacional.