Importante accidente de circulación o acontecido na tarde deste luns 14 de abril na estrada provincial EP-0018.
Por causas que non transcenderon, un vehículo saíu da vía sufrindo un apartoso envorco no quilómetro 1 desta vía, ao seu paso pola parroquia pontevedresa de Santa María de Xeve.
O suceso tivo lugar ao redor das 18.15 horas da tarde.
A esa hora o Centro de Atención ás Emerxencias 112 Galicia recibiu varias chamadas de particulares avisando do accidente e alertando da posibilidade de que houbese persoas atrapadas no seu interior.
Catro eran os ocupantes do coche accidentado. Tres deles conseguiron saír do turismo polo seu propio pé con lesións leves, confirman fontes municipais, mentres que o cuarto, cun golpe na cabeza, tivo que se rescatado polos Bombeiros de Pontevedra.
Para iso foi necesario empregar material de excarceración, sinala o 112.
Dada a aparatosidade da colisión acudiron ao lugar varias ambulancias do Servizo de Urxencias Sanitarias de Galicia-061.
Ademais o 112 mobilizou a efectivos da Garda Civil de Tráfico.
