As obras do auditorio de Marín xa están terminadas, pero teñen que pasar por todas as probas de seguridade e contraincendios para certificar o seu correcto funcionamento.
Así o adiantou a alcaldesa, María Ramallo, que sinalou que as ganas de inaugurar o edificio "son inmensas, pero a seguridade e ter todas as probas feitas e comprobadas é o fundamental".
Díxoo tras un encontro no que participaron o enxeñeiro e a arquitecta municipal, a construtora, a dirección de obra, a empresa de certificacións e a Autoridade Portuaria, quen repasaron os informes precisos para a recepción oficial.
Ramallo adiantou que a finais desta semana poderase fixar a data para este trámite, que habilitará o edificio para uso público.
Doutra banda, a rexedora afirmou que xa está adxudicado o contrato para ajardinar os parterres exteriores.
Esta actuación achegará gran cobertura vexetal á contorna do auditorio e para todo o barrio que se xera na Praza de España e que se integra coa renaturalización do antigo cemiterio de chalanas.
Engade Pontevedra Viva como fonte preferida de Google de balde
Mantente informado coas últimas noticias de actualidade.