O curso chegou ao seu fin nas Escolas Deportivas Municipais de Soutomaior.
Para celebralo este sábado organizouse unha exhibición para os máis de 250 nenos e nenas que participaron nos últimos meses nalgunha das modalidades ofertadas.
Baloncesto, pádel, tenis, gimansia acrobática, ximnasia rítmica, xogos motores, iniciación ao deporte, multideporte, voleibol ou patinaxe estaban entre os deportes e actividades.
A iso sumáronse as máis de 150 persoas que puideron participar nas actividades para adultos.
A cerimonia de clausura das Escolas Deportivas Municipais de Soutomaior finalizou coa entrega aos participantes dunha medalla en recoñecemento ao esforzo dos últimos meses.
"Hoxe celebramos meses de esforzo, compañeirismo, aprendizaxe e ilusión. Durante este curso, centos de veciñas e veciños participaron nas diferentes actividades deportivas organizadas polo Concello, convertendo o deporte nun punto de encontro e convivencia para todo o municipio", explicou tras o acto o alcalde de Soutomaior, Manu Lourenzo.
Engade Pontevedra Viva como fonte preferida de Google de balde
Mantente informado coas últimas noticias de actualidade.