O alcalde de Cerdedo-Cotobade, Jorge Cubela, confirmou este xoves que a empresa Coviastec, concesionaria das obras de construción e xestión da residencia de maiores e centro de día de Carballedo, presentou en tempo e forma no Concello o proxecto básico e de execución para a súa supervisión e a correspondentes obtención de licenzas.
Isto supón un paso definitivo cara ao inicio das obras, posto que unha vez cumprimentados todos os trámites administrativos e asinado o contrato de obra e servizo a empresa terá un prazo máximo de 14 meses para levantar o edificio e poñer en marcha estas instalacións dedicadas ao coidado de persoas maiores que se construirá no lugar da Chan.
O seguinte e último trámite de feito será que a documentación presentada sexa convintemente informada polos técnicos de supervisión e inspección municipal, e de aí levarase ao Pleno Municipal para a súa aprobación definitiva. Sería xa a continuación cando se asinaría a acta de reformulo e o inicio das obras dun proxecto moi esperado, e que supoñerá un investimento próximo aos 5 millóns de euros.
Está previsto que esta infraestrutura poida servizo a uns 59 beneficiarios, con aproximadamente unha vintena de postos de traballo directos, mentres que o centro de día acollerá a un total de 25 usuarios.