O goberno local de Marín informa do avance da obra de rehabilitación integral do depósito de auga da Costa, que deu comezo a principios de ano.
O obxectivo do proxecto é remodelar toda a instalación hidráulica, xa que, a pesar de atoparse en servizo, presenta un avanzado estado de deterioración.
O depósito de auga da Costa forma parte do sistema de abastecemento de auga potable a Marín.
Con esta actuación, acondicionarase todo o depósito, incluíndo a cámara de chaves, e renovarase a caldeirería e as válvulas, coa finalidade de facilitar o control e manipulación do sistema.
Estes traballos contan cun orzamento de máis de 163.000 euros con cargo ao Plan Concellos da Deputación de Pontevedra.