En apenas 15 ou 20 días concluirán as obras de remodelación do campo de fútbol das Estremas, en Carballedo, segundo as estimacións da Deputación provincial.
A instalación de Cotobade pasará a contar con herba sintética, ademais dun novo peche perimetral, sistema de iluminación con catro torres ou sistema de rego.
Os traballos, que se centran estes días en colocar o céspede, contan cun presuposto de 438.503,99 euros.
Por outra parte en Santo Tomé de Piñeiro, Marín, o prazo para rematar a remodelación do campo é un pouco máis amplo, pois se espera concluír a obra a mediados do mes de novembro.
Neste caso o presuposto ascende e 539.442,01 euros, cuns servizos similares ao campo de Carballedo.
Ambas as dúas instalacións foron visitadas este luns polo presidente provincial, Rafael Louzán, por un lado, e as deputadas Ana Isabel Vázquez e Begoña Estévez, xunto cos alcaldes de Marín e Cotobade respectivamente.