Tres rúas do centro da cidade están, desde este xoves, en obras para mellorar o seu aspecto. Trátase de García Camba, Oliva e Andrés Muruais.
Segundo informa a concellería de Obras e Mobilidade, a actuación máis complexa desenvolverase na rúa García Camba onde se vai a substituír o firme da fila de estacionamento de vehículos por formigón, co obxectivo de alongar a durabilidade do pavimento.
Ademais, aproveitarase para acometer o reasfaltado na rúa para arranxar e mellorar a accesibilidade do paso de peóns situado ao carón do cruzamento coa rúa Andrés Muruais.
A última das tres actuacións será o asfaltado e a mellora da rúa Oliva, no treito entre García Camba e Riestra.