O Concello de Sanxenxo anunciou a conclusión da reforma do acceso do colexio da Florida pola rúa Ricardo Santos e a reparación do muro de Gondar, xunto á capela e o local social do mesmo nome.
Trátase de dúas actuacións moi demandadas polos veciños.
No primeiro caso, procedeuse ao asfaltado da rúa Ricardo Santos, que ten unha lonxitude de 460 metros.
As cesións dos veciños permitiron ensanchar un tramo de 134 metros que linda co colexio. Unha ampliación de 1,50 metros, nun tramo de 107 metros e de 6,20 metros máis de ancho nun de 27 metros, onde se habilitaron varias prazas de aparcadoiro.
O orzamento da actuación foi de 64.000 euros, dos que 55.170 euros proveñen dunha subvención da Axencia Galega de Desenvolvemento Rural (AGADER).
O Concello tamén rematou a reparación do muro de Gondar que era outro compromiso moi demandado. A actuación supuxo un desembolso de 12.000 euros.
Os traballos consistiron na substitución completa do vello muro que fai esquina. Para o que, utilizouse grandes pedras de granito.
Desta forma estabilizar o muro consolidando a parte superior, conseguindo así un espazo seguro na contorna da capela e o local social de Gondar.
