Un accidente de tráfico rexistrado arredor das 16:05 horas deste venres mobilizou os equipos de intervención no municipio de Cambados.
O suceso produciuse na rotonda de Vilariño tras o impacto entre un turismo e un camión de grandes dimensións cun tráiler.
Ao lugar desprazáronse efectivos do Servizo de Emerxencias do Concello de Cambados, unha patrulla da Policía Local e unha ambulancia do 061.
O persoal sanitario prestou asistencia no punto a un bebé dun ano por precaución, determinando finalmente que non precisaba ser evacuado a un centro hospitalario.
A Policía Local de Cambados iniciou unha investigación para determinar as causas do choque.
O incidente saldouse con danos materiais nos vehículos implicados.