Os servizos de emerxencia localizaron este domingo o corpo sen vida dun home que desaparecera nas últimas horas mentres pescaba en Bueu.
O cadáver apareceu esta mañá na praia de Beluso, segundo informou o 112 Galicia.
O operativo de busca activouse sobre a 1 da madrugada.
Foi nese momento cando unha persoa alertou a emerxencias de que vira a un home na auga, preto do dique do peirao de Beluso.
Desde o primeiro momento, mobilizouse ao helicóptero Pesca I dos Gardacostas de Galicia, a embarcación Salvamar Mirach de Salvamento Marítimo ou o barco Corvo Mariño da Garda Civil.
A eles sumáronse por terra efectivos da propia Garda Civil e de Protección Civil.
Sobre as catro da madrugada, tras rastrexar toda a zona, o operativo tivo que ser suspendido até esta mañá.
Foi entón cando unha patrulla do instituto armado localizou ao falecido desde terra.