Ao redor de 20 persoas participaron nun baño reivindicativo que leva oito anos celebrándose para reclamar a rexeneración da praia de Pescadoira, no municipio de Bueu.
A temperatura da auga atopábase sobre os 12 graos e iso provocou que algúns dos bañistas só mollaran os pés ao achegarse ata a zona oeste da praia, nas proximidades do club de remo.
Inicialmente estaba previsto que o baño se realizase na zona central da praia pero durante a mañá atopábase en sombra e ademais presentaba un acceso complicado para os bañistas. As persoas participantes, a pesar da baixa temperatura da auga, nadaron tres veces ata a boia do club de remo, situada a 100 metros da praia, completando un percorrido de ao redor de 600 metros.
A asociación Anduxía convocaba esta nova iniciativa cunha chocolatada posterior para quitar a friaxe do corpo á que asistiron 60 persoas.